Produción artística

Nesta nova entrada desexo mostrar algunhas das obras de  Sabuko Estudio Cerámica que ,como xa comentei antes, ten este tema como un dos puntos de referencia na súa produción artística.

Estas obras están feitas con distintas técnicas
do mundo da cerámica












As aficións que máis me motivaron  dende hai bastantes anos son a pintura e máis o gravado e,como non podía ser menos ,a miña aldea foi e segue  sendo un  punto de inspiración en ámbolas dúas técnicas

Este é un óleo que pintei hai xa algúns anos

Estes gravados son bastante máis recentes

PUBLICACIÓNS:

Sobre este tema existe información en moitísimas revistas especializadas no campo  da natureza e no da fotografía como poden ser National Geographic,Teima etc,pero vou destacar só estes dous libros;o primeiro pola súa importancia e o segundo porque é o último que se editou .


"A Rapa das Bestas de Sabucedo"
.Historia e Antropoloxía dunha tradición.
deManuel Cabada Castro.Ed.IR INDO.

"A Estrada Miscelánea histórica e cultural"
Nº 18 (2015)
Museo do Pobo Estradense. Manuel Reimóndez Portela.

MÚSICAAAAAAAA

O que non pode faltar en Sabucedo durante a rapa é a música. Dende a música máis tradicional, o folc,foliadas que armamos nas casas, orquestras nas verbenas do Campo do Medio,...

Déixovos algún exemplo:

Serán- Ruada 

Alameda do Soula, 2007:

                                         

FOTOGRAFÍAS ANTIGAS DO CURRO VELLO

Nesta nova entrada vouvos mostrar algunhas fotos antigas da Rapa das Bestas de Sabucedo. Eu daquela era unha rapaza pero gardo moi bos recordos do curro vello e aqueles aloitadores "campados" coas súas camisas e garabatas.Os bancos para sentarse a xente , como se pode apreciar,eran  de madeira e había que montalos todos os anos para que non se pudriran durante o inverno.

ENLACES

Mostro algúns enlaces de interese:

www.rapadasbestas.es

https://twitter.com/rapa_sabucedo

https://www.facebook.com/groups/rapadasbestas/

www.aestrada.com


Tamén subo a direccón do facebook de artistas que basean parte do seu traballo na Rapa das Bestas:

Sabuko Studio, Cerámica

https://www.facebook.com/profile.php?id=100004780096194

DOCUMENTALES E CINE

No Youtube temos unha ampla mostra de documentais, películas, videoreportaxes, entre os que destacan os seguintes:

Película "O Camiño das Estrelas", Chano Piñeiro, ano 1993:

Documental "Caballos Salvajes":

Documental alemán " Spaniens wilde Pferde - Länder Menschen Abenteuer (SWR) "

CARTEIS

Na presente entrada fago unha exposición de diferentes carteis da Rapa das Bestas, uns máis antigos e outros actuais.

O Curro

Os curros lévanse a cabo o sábado ás 7 da tarde, o domingo ás 12 da mañán e o luns tamén ás 12 da mañán.

É o curro, quizáis, o acontecemento máis espectacular dentro da propia festa, aínda que en Sabucedo, moitos pensamos que é o monte o máis bonito e apaxonante.

Os aloitadores, e xa dende hai anos, tamén as aloitadoras, fan un traballo importantísimo dentro do proceso tradicional ó que nos referimos.
Nun primeiro momento, sepáranse os poldros das súas nais para que non se fagan dano. Son os rapaces os que levan a cabo esta actividade, servíndolle así de aprendizaxe para o futuro.

A continuación son os adultos os que aloitan cos cabalos e bestas. No proceso, un dos aliotadores salta enriba da besta. 

A continuación, dous compañeiros, un á cabeza, e outro ó rabo, axudan a controlar o animal.

Pero no curro tamén se leva a cabo outra actividade moi importante para os cabalos.A súa desparasitación aproveitando para facelo cando están inmobilizados.

Cando o proceso conclúe, os animais son devoltos ó seu hábitat natural. Esto ocorre o luns pola tarde.

O Monte

Nesta segunda entrega, comezaremos por explicar o proceso que se leva a cabo co fin de desenvolver a festa da Rapa das Bestas.

Todo comeza o primeiro fin de semana do mes de xullo de cada ano.

O venres, a eso das 6:30 da mañá, ten lugar unha misa na que se solicita ó Patrón de Sabucedo, San Lourenzo, que coide da saúde dos mozos e mozas que van acudir minutos despois, a buscar as bestas ó monte.

A continuación, a eso das 7:30 horas da mañá, comeza a subida para o monte, coa finalidade de coller as  greas, formadas polas bestas do Santo, cabana máis numerosa, e tamén por bestas de particulares.

 Xa no monte hai que recoller as manadas, con sabiduría e silencio, facendo un "cordón", proceso polo que se rodean as eguas, de forma sorpresiva e cautelosa. Cando xa se teñen collidas, lévanse a un punto central, " O Peón", onde se reúnen todas e se conducen posteriormente cara a Sabucedo. A continuación preséntanse unhas instantáneas nas que se pode ver o proceso:

Por último, a eso das 5 da tarde son levadas a Sabucedo para metelas nun pechado coñecido como Cataroi, onde descansarán ata o día seguinte para ir ó curro.

Por último, paso a deixarvos un vídeo no que se explica como é o proceso que se leva a cabo no monte:

PRESENTACIÓN

Co presente blog preténdese facer un acercamento á festa da Rapa das Bestas de Sabucedo, pobo no que nacín,(e no que vivo gran parte do ano) intentando mostrar como a tradición fai desta aldea unha das máis singulares de Galicia. Un dos fins primordiais é facer fincapé en como a unión entre as persoas e as bestas marcan antropolóxicamente o carácter dunha poboación como a miña.

 Está enmarcado dentro do Concello da Estrada, provincia de Pontevedra, conformando con outros concellos (Forcarei e Cerdedo) a demarcación territorial coñecida como Tabeirós- Terra de Montes, sinalada en vermello no mapa que se presenta a continuación.

Por boa parte destes concellos, así como no de Campo Lameiro, Moraña e Cuntis, viven as bestas en liberdade durante todo o ano. 

As bestas soen estar agrupadas en manadas ou greas dunhas 60 cabezas. Cada grea ten un cabalo macho que lle dá nome á manada: Grea do Negro, do Madrileño, do Chulo, do Makelele,...

Podemos atopar moita máis información ó respecto no libro do Pai Manuel Cabada Castro editado por "Ir Indo".

A partires de aquí, e xa coñecendo o hábitat natural das bestas, procederemos en entradas posteriores a presentar o proceso polo que na primeira fin de semana do mes de xullo, se leva a cabo a festividade da Rapa das Bestas de Sabucedo.